 |
|
|||||||||||||||||||||||||||||||||
|
Ինչպե՞ս սկսել Լավ վարկային պատմությունը վարկառուի համար ունի շատ բարենպաստ ազդեցություն. այն մեծացնում է վարկ ստանալու հնարավորությունը, բարելավում վարկի պայմանները, հեշտացնում վարկարժանության գնահատումը և այլն: Հայաստանում վարկառուի մասին փաստացի տվյալներ պարունակող վարկային զեկույցի ստացման գաղափարը առաջին անգամ դառնում է իրականություն: ՀՀ բանկերը և այլն ֆինանսական հաստատություններն այժմ կարող են ԱՔՌԱ վարկային բյուրոյից կատարել վարկային զեկույցի հարցում` առավել արագ և օբյեկտիվ որոշումներ կայացնելու համար: Երբ Դուք դիմում եք վարկ տրամադրող կազմակերպությանը վարկ ստանալու նպատակով կամ ապահովագրական ընկերությանը` ապահովագրական պոլիս գնելու համար, Ձեր դիմումը դիտարկելիս հաշվի են առնվում ֆինանսական պարտավորությունների կատարման նախկին փորձը և այլ ցուցանիշներ (օրինակ` Ձեր եկամուտը): Նման դեպքերում դրական վարկային զեկույցը կարող է դառնալ Ձեր վարկարժանության գլխավոր ցուցանիշը: Եթե վարկային զեկույցում վարկառուի նախկին ֆինանսական պարտավորությունների կատարման մասին զետեղված է դրական տեղեկություն, դա կարող է հանգեցնել նրան, որ վարկառուն ստանա բարենպաստ պայմաններով վարկ: Մյուս կողմից, այն վարկային զեկույցը, որտեղ նշված է, որ վարկառուն բազմիցս ուշացրել կամ չի կատարել իր ֆինանսական պարտավորությունները, կարող է հանգեցնել վարկի մերժման: Դրական վարկային պատմություն ձևավորելու համար շատ կարևոր է ֆինանսական պարտավորությունների ժամանակին կատարումը: Պլաստիկ քարտերի ներմուծումը, որը զուգակցվել է «գնիր հիմա, վճարիր հետո» սկզբունքով, շատ վարկառուների կանգնեցրել է փաստի առաջ: Շատ կարևոր է, որ Դուք կարողանաք Ձեր ծախսած գումարի չափը համապատասխանեցնել Ձեր եկամտին` կատարելով խելամիտ գնումներ և, որ ամենակարևորն է, միշտ ժամանակին կատարել ֆինանսական պարտավորությունները: Վարկային պատմության բարելավումը սկսվում է մի քանի դյուրին քայլերից.
|
||||||||||||||||
 |
|||||||||||||||||
 |
|
|
|
|
|||||||||||||
| © ԱՔՌԱ Քրեդիտ Ռեփորթինգ 2005 Գաղտնիությունը Կիրառման պայմանները |
