Ընկերության Առաքելությունը

ԱՔՌԱ վարկային բյուրոյի հիմանական առաքելությունը ֆինանսական հաստատություններին հաճախորդի ռիսկայնության աստիճանը գնահատող ծառայություններ մատուցելն է, ինչն օգնում է կայացնել առավել արագ, հիմնավոր և ճշգրիտ գործարար որոշումներ: Բացի այդ, վարկային բյուրոյի շնորհիվ յուրաքանչյուր ֆիզիկական կամ իրավաբանական անձ հնարավորություն է ստանում կառուցել և օգտագործել իր վարկային պատմությունը:

Ընկերության հիմնական նպատակն է մատուցել որակյալ ծառայություններ` բավարարելով գործարար դաշտի և հանրության պահանջները: Դա ենթադրում է համապարփակ, հավաստի և ապահով տվյալների բազայի ստեղծում, շուկայի բարելավմանն ուղղված քայլերի իրականացում, առաջատար տեխնոլոգիաների կիրառում և այլն:

Հաճախորդների կարիքները առավելագույն բավարարելու համար ԱՔՌԱ վարկային բյուրոն առաջնորդվում է հետևյալ սկզբունքներով.

• լիովին ըմբռնել անդամ կազմակերպությունների կարիքներն ու մտահոգությունները,
  
• կիրառել տասնամյակների ընթացքում հեղինակավոր ընկերությունների կողմից մշակված փորձն ու տեխնոլոգիաները,
  
• կիրառել լավագույն գործառնական համակարգերը,
  
• ապահովել գործունեության թափանցիկություն բոլոր բաժնետերերի համար` նրանց ներգրավելով ընկերության կորպորատիվ կառավարման համակարգի կառույցներում: