Սպառողական վարկային զեկույցը պարունակում է տնտեսվարող սուբյեկտների նկատմամբ ֆիզիկական անձի ստանձնած ֆինանսական պարտավորությունների կատարման վերաբերյալ տեղեկություններ, որոնք վարկատուներին օգնում են արագ և առավել հիմնավոր գնահատել հաճախորդի վարկարժանությունը:

Սպառողական վարկային զեկույցը լինում է հետևյալ տեսակների`

Սպառողական վարկային զեկույց` ժամկետանց և դասակարգված վարկերի առկայության վերաբերյալ (ՍՊ0) -Սուբյեկտ հանդիսացող ֆիզիկական անձանց և/կամ անհատ ձեռնարկատերերի վերաբերյալ Վարկային զեկույց, որը պարունակում է ֆիզիկական անձանց և/կամ անհատ ձեռնարկատերերի վերաբերյալ տվյալներ, ընթացիկ ժամկետանց և դասակարգված վարկերի առկայության վերաբերյալ տեղեկություններ, վարկի ռիսկի դասը, ժամկետանց վարկի առկայությունը կամ բացակայությունը:

Սպառողական վարկային զեկույց` ընթացիկ ժամկետանց և դասակարգված վարկերի վերաբերյալ (ՍՊ1) - Սուբյեկտ հանդիսացող ֆիզիկական անձանց և/կամ անհատ ձեռնարկատերերի վերաբերյալ Վարկային զեկույց, որը պարունակում է ֆիզիկական անձանց և/կամ անհատ ձեռնարկատերերի վերաբերյալ տվյալներ, կատարված հարցումների վերաբերյալ վիճակագրական տվյալներ, ընթացիկ ժամկետանց և դասակարգված վարկերի վերաբերյալ տեղեկություններ:

Սպառողական վարկային զեկույց` ընթացիկ վիճակ (ՍՊ2) - Սուբյեկտ հանդիսացող ֆիզիկական անձանց և/կամ անհատ ձեռնարկատերերի վերաբերյալ Վարկային զեկույց, որը պարունակում է ֆիզիկական անձանց և/կամ անհատ ձեռնարկատերերի վերաբերյալ տվյալներ, կատարված հարցումների վերաբերյալ վիճակագրական տվյալներ, ընթացիկ բոլոր վարկերի վերաբերյալ տեղեկություններ:

Սպառողական վարկային զեկույց` ամբողջական (ՍՊ3) - Սուբյեկտ հանդիսացող ֆիզիկական անձանց և/կամ անհատ ձեռնարկատերերի վերաբերյալ Վարկային զեկույց, որը պարունակում է ֆիզիկական անձանց և/կամ անհատ ձեռնարկատերերի վերաբերյալ տվյալներ, կատարված հարցումների վերաբերյալ վիճակագրական տվյալներ, ընթացիկ և նախկինում մարված բոլոր վարկերի վերաբերյալ տեղեկություններ:

ԱՔՌԱ սքոր - Սուբյեկտ հանդիսացող ֆիզիկական անձանց և/կամ անհատ ձեռնարկատերերի վերաբերյալ Վարկային զեկույց, որը պարունակում է ֆիզիկական անձանց և/կամ անհատ ձեռնարկատերերի վերաբերյալ տվյալներ, ԱՔՌԱ սքոր համակարգում միջին, նվազագույն և առավելագույն սքորեր:

Որտեղի՞ց կարելի է ստանալ սեփական վարկային զեկույցը:
Ի՞նչ փաստաթղթեր են անհրաժեշտ ԱՔՌԱ-ի գրասենյակից վարկային զեկույց ստանալու համար:
Ինչպե՞ս ստանալ առցանց «Վարկային պատմություն» 3 րոպեում:
Որքա՞ն է տևում վարկային զեկույցի տրամադրումը:
Ինչպե՞ս է ԱՔՌԱ-ն երաշխավորում տեղեկատվության գաղտնիությունը:
Ինչպե՞ս են կատարվում վարկային զեկույցում հայտնաբերված անճշտությունների ուղղումները:

Յուրաքանչյուր անձ (ֆիզիկական և իրավաբանական) կարող է իր սեփական «Վարկային» կամ «ԱՔՌԱ սքոր» զեկույցը ձեռք բերել`

• ԱՔՌԱ-ի գրասենյակից:
• Առցանց տարբերակով՝ http://www.acra.am կայքի միջոցով՝ նախօրոք «ԱՔՌԱ» գրասենյակից ստանալով մուտքային անուն:
• ԱՔՌԱ-ի հաճախորդ կազմակերպությունից վերջիններիս հետ վարկային կամ կապակցված այլ գործարքի մեջ մտնելու դեպքում:

Վարկային զեկույց ստանալու համար անհրաժեշտ են հետևյալ փաստաթղթերը`

Ֆիզիկական անձ(Սուբյեկտ)

• Վարկային զեկույց ստանալու դիմում  
• Սուբյեկտի անձնագիրը և դրա պատճենը
• Սուբյեկտի սոցիալական քարտը և դրա պատճենը(ոչ պարտադիր)
• Սուբյեկտի անունից այլ անձի ներկայանալու դեպքում`
  Լիազորագիր` տրված Սուբյեկտի կողմից (նոտարական վավերացմամբ)
  Լիազորված անձի անձնագիրը և դրա պատճենը
• Հատուկ դեպքերում ԱՔՌԱ-ի կողմից պահանջվող այլ փաստաթղթեր

Ինչպե՞ս ստանալ առցանց «Վարկային պատմություն» կամ «Սքոր» 3 րոպեում:

• Գրանցե՛ք Ձեր «ԱՔՌԱ»  պրոֆիլը  առցանց եղանակով՝  մոտ 2 րոպե:
  
• Ձե՛ռք բերեք «Վարկային պատմությունը» կամ «Սքորը»՝  մոտ 1 րոպե:

Վարկային զեկույցը սովորաբար տրամադրվում է անմիջապես, եթե ներկայացված են բոլոր անհրաժեշտ փաստաթղթերը: Առանձին դեպքերում, սակայն, վարկային զեկույցի տրամադրման գործընթացը կարող է տևել մինչև երկու աշխատանքային օր:

Համաձայն ՀՀ օրենսդրության, ԱՔՌԱ-ն չի կարող հրապարակել տվյալների սուբյեկտի վերաբերյալ որևէ տվյալ առանց վերջինիս համաձայնության (բացառությամբ օրենքով նախատեսված հատուկ դեպքերի): Վարկային զեկույցի հարցում կարող է կատարվել միայն տվյալների սուբյեկտի գրավոր համաձայնության դեպքում: Գրավոր համաձայնությունը կարող է լինել ինչպես առանձին փաստաթուղթ, այնպես էլ ներառված լինել բանկի կամ վարկային կազմակերպության վարկային դիմումի կամ պայմանագրի բովանդակության մեջ:

Վարկային զեկույցում սխալներ կամ անճշտություններ հայտնաբերելու դեպքում վարկային պատմության սուբյեկտը պետք է ուղղման պահանջով դիմի անմիջապես այդ տվյալները ԱՔՌԱ-ին փոխանցած կազմակերպությանը: Այն դեպքում, երբ վարկային զեկույցից պարզ չէ, թե որ կազմակերպությունն է հանդիսանում նշված տվյալների աղբյուրը, վարկային պատմության սուբյեկտը կարող է դիմել ԱՔՌԱ-ի գրասենյակ` տվյալների աղբյուր հանդիսացող կազմակերպությանը պարզելու նպատակով: Տվյալների ուղղումը կատարվում է տվյալների աղբյուրի կողմից: